Circuíto Correr en Galicia 2011-12 Ir ao Foro oficial Ir ao grupo de FAcebook Séguenos no Twitter

Regulamento xeral

Regulamento xeral

Bases do Circuíto Galego de Carreiras Populares 2011-12

REGULAMENTO XERAL.
O Circuíto Galego de Carreiras Populares 2011-2012 (en adiante, o Circuíto) é unha competición aberta a tódolos corredores populares. Cada participante suma puntos nas carreiras populares que estean incluídas no Circuíto. Ademais das carreiras organizadas en Galicia, entrarán 3 probas invitadas de fóra da comunidade.

  1. COMO FUNCIONA.
    Para sumar puntos, só tes que inscribirte no Circuíto en categoría individual e logo en cada carreira puntuable na que vaias participar.

    A semana seguinte de cada carreira na que participes e unha vez que a organización facilite os resultados oficiais, só tes que ir á sección Enviar posto e indicar o teu nick, o nome da carreira e o teu posto de chegada para saber os puntos que conseguiches. Estes datos serán validados e confirmados pola organización antes de seren dados como definitivos.

    Podes enviar un máximo de 40 resultados ao longo da tempada.
  2. DURACIÓN.
    O Circuíto 2010-2011 dura 10 meses, dende o primeiro fin de semana de SETEMBRO de 2011 ata a derradeira fin de semana de XUÑO de 2012.
  3. PARTICIPACIÓN.
    Os únicos requisitos para participar no Circuíto 2011-2012 son ter cumpridos os 18 anos o 1 de setembro de 2011 e unha conta de correo electrónico ou teléfono de contacto.
  4. INSCRICIÓN.
    A inscrición é gratuíta. O prazo de inscrición remata o 14 de outubro de 2011, unha vez finalizado o prazo non se admitirán máis inscricións en ningunha das modalidades.

    Toda a información para inscribirte a tes na sección Inscricións.
  5. CARREIRAS E PUNTUACIÓN.
    Puntúan todas as carreiras organizadas en Galicia que o soliciten + 3 invitadas de fora da comunidade.

    O prazo para confirmar a inscrición dunha carreira remata 7 días antes da celebración da mesma sempre que o periodo de inscrición aínda esté aberto e queden prazas libres.

    Probas puntuables no Calendario de carreiras (Actualízase a medida que se vaian confirmando a organización das probas)
    Requisitos para incluir unha proba no Circuíto: Organizadores carreiras
    Sistema de puntuación: Como puntúan as carreiras
  6. TIPOS DE COMPETICIÓN.
    • Individual.
      Podes sumar puntos en cada carreira puntuable. En base á clasificación en tempadas anteriores haberá 3 divisións con clasificacións conxunta, masculina e feminina.

      1ª División
      Estará composta por 150 corredores: os 120 primeiros da primeira división na tempada 2010-11 + os 30 primeiros da segunda divisón.
      Descenso: 30 últimos

      2ª División
      Estará composta por 150 corredores: os 90 da segunda división na tempada 2010-11 que non conseguiran o ascenso a primeira + os 30 descendidos da primeira + os 30 ascendidos da terceira.
      Ascenso: 30 primeiros
      Descenso: 30 últimos

      3ª División
      Corredores que non conseguiron o ascenso á segunda división + os 30 descendidos da segunda + as novas inscricións.
      Ascenso: 80 primeiros (a segunda división da tempada 2012-13 terá 200 corredores).
    • Por parellas.
      Podes inscribirte xunto cun amigo para sumar os vosos puntos nunha clasificación por parellas.
    • Por equipos.
      Formados por 5 corredores (un deles será o capitán) que suman os seus puntos para a clasificación por equipos. Non é preciso que os atletas do equipo puntúen na mesma carreira á vez. En caso de empate entre equipos, gañará o que conte co capitán con máis puntos.

      Equipos - 1ª División
      Formada por 20 equipos: os 15 primeiros na tempada anterior máis os 5 ascendidos da segunda división.
      Para ser considerado o mesmo equipo e poder usar o nome teñen que repetir alomenos 3 dos membros do ano anterior.
      En caso de non repetir inscrición algún equipo de primeira, o seu posto sería ocupado polo 6º, 7º, 8º... clasificado da segunda división da anterior tempada.
      Descenso: 5 últimos

      Equipos - 2ª División
      Equipos do ano anterior que non conseguiran o ascenso + 5 equipos descendidos de primeira + novas inscricións.
      En caso de inscribirse máis de 55 equipos crearíase unha terceira división.
      Ascenso: 5 primeiros
    • GLOBAL Ranking
      Clasificación histórica individual do Circuíto Correr en Galicia con tódolos corredores inscritos no Circuíto dende a edición 2009-10 sen importar divisións. A clasificación se fará sumando tódolos puntos obtidos dende o 8 de novembro de 2009.

      Toda a información para inscribirte a tes na sección Inscricións.
  7. INCIDENCIAS E RECLAMACIÓNS.
    Tódalas incidencias deberán exporse no fío de Incidencias do foro oficial do Circuíto 2010-2011

    Se un participante non aparece nunha clasificación por un erro na cronometraxe:
    • Debe porse en contacto coa organización da proba para corrixir o erro.
    • Se isto non resolve o tema, fará unha entrada no fío de Incidencias indicando de que carreira se trata e si ten probas gráficas ou testemuñas da súa participación.
      A testemuña non pode pertencer ó mesmo equipo/parella e DEBE facer unha entrada no fío de Incidencias para corroborar a participación.
    • Unha vez valorado isto, se lle outorgará a puntuación mínima correspondente ó coeficiente da proba salvo que a proba gráfica deixe constancia da chegada á meta e o posto/tempo realizado; caso no que, se valorará a corrección manual da clasificación para conceder os puntos correspondentes.
  8. DESCALIFICACIÓNS
    Se algún corredor falsea os seus datos de inscrición nalgunha das probas incluídas ou é sorprendido correndo por outro participante perderá todos os puntos da tempada e non poderá seguir enviando resultados.
  9. OUTROS
    Todo o non previsto neste REGULAMENTO resolverase segundo o criterio dos administradores e colaboradores do Circuíto.


Circuíto Correr en Galicia 2011-12